السم مثل الغبوقي

[فهد بن عيسى المحمدي]

فوق الـورق تـواردن شـرد الافكار
يوم اقتـرن حبـر القـلم بالخـفوقي
كم واحدن في هالزمن عاش محتار
على الامـل ينظـم جزيل الطروقـي
امـا بـدا المـرقـاب والدمـع مدرار
وإلاّ يـخـايـل مـقـبـلات البـروقـي
وليا نظرة الـناس وأملـيت الانظـار
كلـن لـه بدنـياه شـف( ن) وذوقي
احـدن كـواه الوقـت بالميسم الحار
واحـدن سقـاه السـم مثل الغبوقي
واحـدن بنـا لـه دار وانهـدت الـدار
قـام ايهـدم مبنـاه قـل الـوفـوقـي
واللي غدا شيخ( ن) مخضرم وبيطار
ترفا لـه اصحاب المصالح افتـوقـي
احظـوظ والدنيـا متاهـات واخـطـار
كلـن يـبي بالوقـت زود الفـروقـي
موجـه وتـضبـط بين تاجر وسمـسار
وتـعـامـلن بيـن البشـر مـايلـوقـي
وامـوقّـر الـخـطـّار ومـقـدر الـجـار
اللي على الشـيمات وفا الحقـوقي
مـادور الغـرات فـي مــد الابصار
ولاهـو علـى نقل النـمايم شفـوقي
دار الزمن واصـبح مثـل طالـب الثار
يسوقـهم وقـت التـهـاويـل سـوقي
سوق النضا لادرهـمن عكش الاوبـار
القيض حامي والخـطـر به يحـوقـي
اكـبار بـعيـون البشـر كنهـا اصـغار
الصّـدق مكـذب والـكـذوب الصـدوقي
وبالـعـوج للـزفـرات مـلفـا ومصـدار
والوقـت لـه طـعـنات لـو ماتعـوقي
هـذا الزمـن مابيـن شـلفـن ومعبار
والـمنـجـي الله رب كـل مـخـلوقي

فهد المحمدي

[اللحالي]

كفو عليك الجزاله يالمحمدي صح لسانك

يابو عبد العزيز

؟ قام يهدم مبناه قلّ الاوفوقي ؛ عزاه


هههههههههههههههههههههههههه


القصيده كل بيت يقول المعنا عندي

ماشاءالله عليها وعلى شاعرها


لكن هالشطر

قد شفت له لوافيع ببعض ناس

ههههههههههههههههههههه



تحياتي وتقديري للجميع

[معيض الضعيني]

صح السانك ابو عبدالعزيز وجزله من جزل لاعدمناك

[رجآوي]

سبحآن ربِّنا

صحّ إيمانك يالشاعر

ولا هنت

[سعد السمين]

الله الله صح لسانك يابو عبدالعزيز
جزلة من جزل الله يحفظك
تحياتي وتقديري لك