اللحالي
07-11-2015, 10:12 PM
لواعنى يا سعود قلبي وأنا حيّ=لولا الأمل باللي عليه اتكالي
اللي جعل فيّ الأمل صيفة الرّيّ=للنّبت من وابل حقوق الخيالي
وإلاّ ترى ماني جديدن على الكيّ=وأشدّهن ثنتين من ما جرالي
الأوّله عادت على القلب هي هيّ=في موت أبوك وفيك يا عزّتالي
يا كبر حجم السّقم من جرحي النّيّ=اللي قديم وباقين له توالي
ومن انفتاح الجرح يا كود سقميّ=في وقت مال الجرح فيه اندمالي
وتسرح بي السّجّات مع سبعة اجويّ =ومن حالك الدّاجي يزيد اكتحالي
وأنا أدري إن الأمر ما هوب بيديّ=ولا يمنع المكتوب كثر اللوالي
لو طالت الأيّام تدرجبك رحيّ=لابدّ ما يأتي عليك الزّوالي
وكلٍ يعرف إنّه مع الدرب مقفيّ=سنّة جليل الملك ما به شكالي
لكن سطت بي فجعةٍ وأوجعت فيّ=والعالم الله كيف صار اختلالي
اللي وجست من الخبر ما هو شويّ=ومن ما صفق فكري عويص انفعالي
تصافقت فيّ الصواعق وأنا غيّ=شايب لكن بالعقل مثل الطفالي
وأنا أحسب إن الفكر ماهو بمعميّ=في وقت مبحلني به الاحتيالي
وأبي جميل أبيات فيها التّهقويّ=تليق في مقام جزل الفعالي
لكن جداي أتوق وأشرب من الميّ=في ليلةٍ فيها الخبر توّ جالي
بأوّل عشر عتقن من النّار تبديّ=يا الله تقبل طلبتي وابتهالي
يالله عسى مثواك في بارد الفيّ=يا حي يا قيّوم حقق سؤالي
في ما لبو خالد مثل ما لوالديّ=في طلبتي لك ياعزيز الجلالي
اللي جعل فيّ الأمل صيفة الرّيّ=للنّبت من وابل حقوق الخيالي
وإلاّ ترى ماني جديدن على الكيّ=وأشدّهن ثنتين من ما جرالي
الأوّله عادت على القلب هي هيّ=في موت أبوك وفيك يا عزّتالي
يا كبر حجم السّقم من جرحي النّيّ=اللي قديم وباقين له توالي
ومن انفتاح الجرح يا كود سقميّ=في وقت مال الجرح فيه اندمالي
وتسرح بي السّجّات مع سبعة اجويّ =ومن حالك الدّاجي يزيد اكتحالي
وأنا أدري إن الأمر ما هوب بيديّ=ولا يمنع المكتوب كثر اللوالي
لو طالت الأيّام تدرجبك رحيّ=لابدّ ما يأتي عليك الزّوالي
وكلٍ يعرف إنّه مع الدرب مقفيّ=سنّة جليل الملك ما به شكالي
لكن سطت بي فجعةٍ وأوجعت فيّ=والعالم الله كيف صار اختلالي
اللي وجست من الخبر ما هو شويّ=ومن ما صفق فكري عويص انفعالي
تصافقت فيّ الصواعق وأنا غيّ=شايب لكن بالعقل مثل الطفالي
وأنا أحسب إن الفكر ماهو بمعميّ=في وقت مبحلني به الاحتيالي
وأبي جميل أبيات فيها التّهقويّ=تليق في مقام جزل الفعالي
لكن جداي أتوق وأشرب من الميّ=في ليلةٍ فيها الخبر توّ جالي
بأوّل عشر عتقن من النّار تبديّ=يا الله تقبل طلبتي وابتهالي
يالله عسى مثواك في بارد الفيّ=يا حي يا قيّوم حقق سؤالي
في ما لبو خالد مثل ما لوالديّ=في طلبتي لك ياعزيز الجلالي