منقول

[اللحالي]

وشفاطرٍ تتبع قطيع المغاتير
وهي لونها بين الحمر والدهامي

تنفر ولدهامير ترزم على الضّير
ولاعطّفوها سايقين الجهامي

وفيها وبا مايطرح إلا الخنازير
لاهو نحاز ولايسمّا هيامي

قنايها مأحدن قبل له معاذير
وللسّوق لو جلبت ترى ماتسامي

وصارت مبداةٍ على وردة البير
تارد وتشرب قبل شرب الحيامي

[ابو مناحي]

صح لسان صاحب اللغز
ومشكور على النقل يابو سلطان
عندي رمعه يمكن انها سماويه
الخمسين بحبوب الكيرم والا المضرب
اللي يوزع الحبوب
ولك تحياتـــي وتقديـــري
http://haaarb.com/up/uploads/14084030871.jpg

[اللحالي]

رمعه قويّه لكن مالك لوى يابومناحي حسب كلام صاحبه

[ترانيم حربيه]

مشكور على اللغز المنقول ياابوسلطان

بس المشكله ماني فاهمه اكثر كلماته ياجدي انت

يعني ابي مترجم مالي دخل لازم تترجمه لي ع شان احله قبل ايوب

[اللحالي]

الترجمه على آي لغه هههههههههههههه

هههههههه ترى ماعرف اللغه العربيّه

يعني اللي داخله المنتدى هالمرّه

الجدّه وتبي مترجم هههههههههههههههه

وين ترانيم ياجدتنا تترجم لي واترجم لك

هههههههه عسى ماكل الكلام يبي ترجمه

وانا يصوتون لي هذولاك ههههههههههههه

[ترانيم حربيه]

واااو ياكبر كيد هالشايب

خل الضحك عنك انا ترانيم وش يعني البيت هذا

تنفر ولدهامير ترزم على الضّير
ولاعطّفوها سايقين الجهامي

تنفرولدها ؛ تعاف ولدها
ترزم ؛ تحن بدون فتح الفمّ يعني بالحلق
على الضّير ؛ الضّير جلد حوار يحشاء بالشيح
والجعد والقيصوم حتى يصير على كل حوار ولد الناقه
ماهو محاورة خلوها اوحوار النصابين؟
؟تضيّر ؛تعوّد عليه الناقه عوض ولدها ان مات
مروفةٍ فيها لتخفيف من الحزن
؟ماعطفوها؛ ماعوّدوها
الجهامي ؛ مجاميع الابل ؛قطعان الطرش

الحيامي ؛ المظميه آي العطشاء

هذي بلغة الشايب أمّا العرب ماعرف لغتهم

ههههههههههههههههههههه

[اللحالي]

هذا على قد عرفي

[ترانيم حربيه]

تسلم ياجدي انت ماقصرت شرح وافي

يعني الحين بديت افهم شوي بحاول احله ان شاءالله

جزاك الله خير وطول لنا بعمرك يالشايب

[ترانيم حربيه]

السلام عليكم

عندي رمعه مدري كيف خطرة على بالي مهي حولها

وش رايك بالشيشه هذي يعني

http://mediterraneo.blox.pl/resource/sheesha01.jpg

[اللحالي]

مالك لوى يابنتي ترنومه
والمعذره الدخول من الجوال